Cila është mënyra më e mirë për të filluar ditën tuaj? Ekspertët e ushqimit sugjerojnë të ndjekësh shembullin e tyre:
– Pi ujë, edhe nëse nuk ke etje
Shumica e ekspertëve kanë një “pije të preferuar” për mëngjesin. Edhe nëse nuk është se po tw pihet shumë ujë, është ajo që trupi ka nevojë më së shumti, për t’u rihidratuar pas një nate gjumi.
“Ti nuk mund të ndihesh domosdoshmërisht i/e etur në mëngjes, por pirja e ujit mund të jetë një zakon shëndetësor që ti i jep përparësi për të qëndruar i/e hidratuar përgjatë ditës”, u shpreh Vicki Shanta Retelny, një dietologe për HuffPost.
Të tjera pije përfshijnë:
– Lëngje të shtrydhura
Ndërsa lëngjet kanë marrë një reputacion të keq gjatë viteve, Ruhs, një nutricionist, tha se një gotë me lëng portokalli në mëngjes është shumë e mirë.
– Çaj
Në çdo temperaturë, çaji është një zgjidhje e shëndetshme. Kërkimet kanë treguar përfitime shëndetësore, duke përfshirë parandalimin dhe menaxhimin e diabetit, nga pirja e çajit.
– Uji i nxehtë me limon
Asnjë nga ekspertët me të cilët HuffPost kontaktoi nuk ndjeu ndonjë magji të veçantë në ujë të nxehtë me limon si një pije e parë nga shtrati, por as ata nuk e dekurajuan atë.
“Uji i nxehtë është tepër qetësues dhe limoni shton një spërkatje të bukur agrumesh në ujë. Personalisht, nëse jam duke pirë një pije të nxehtë, preferoj të marr antioksidantë prej saj, prandaj sugjeroj që në vend të kësaj të pini çaj jeshil me limon.”
– Nëse do të “lëvizësh gjërat” – Konsumo kafe
Nëse je duke kërkuar, siç u shpreh Ruhs: “të kryesh ca punë para se të dalësh nga shtëpia”, ajo sugjeroi një filxhan kafe.
Duhet të dini se ajo që pini ka rëndësi
Pavarësisht zgjedhjeve të tyre, ekspertët bien dakord që gllënjka juaj e parë e ditës është e rëndësishme.
“Vendos tonin për tërë ditën”, tha Ansel. “Gjëja e fundit që dëshiron të bësh është të nisësh ditën me një pije me sheqer, shumë të përpunuar si pije e gazuar ose një pije energjike që do të mbysë sistemin tënd me sheqerna. Këto mund të japin një goditje të shpejtë të energjisë, por kjo është e garantuar të ndiqet nga një ultësi e konsiderueshme në mes të mëngjesit.”/ E.Ç
