Anija më e madhe e lundrimit në botë ka nisur udhëtimin e saj të parë të shtunën, mirëpo grupet mjedisore janë të shqetësuara pasia anija me gaz natyror të lëngshëm dhe linjat e tjera gjigante të lundrimit që do të pasojnë, do të çlirojnë metan të dëmshëm në atmosferë.
“Icon of the Seas” i Royal Caribbean International është nisur nga Miami me kapacitet për 8000 pasagjerësh. Anija është ndërtuar për të punuar me gaz natyror të lëngshëm, i cili digjet më pastër se karburanti tradicional detar, por paraqet rreziqe më të mëdha për emetimet e metanit.
Grupet mjedisore thonë se rrjedhja e metanit nga motorët e anijes është një rrezik i papranueshëm për klimën për shkak të efekteve të tij të dëmshme afatshkurtra.
“Është një hap në drejtimin e gabuar”, tha Bryan Comer, drejtor i Programit Detar në Këshillin Ndërkombëtar për Transportin e Pastër (ICCT), një institut kërkimor për politikat mjedisore.
“Ne vlerësojmë se përdorimi i gazit të lëngshëm si lëndë djegëse detare lëshon mbi 120% më shumë emetime të gazit serrë të ciklit jetësor sesa nafta e gazit detar.”/O.S
