Një i ri është dënuar në Kinë, pasi gënjeu se kishte udhëtuar në Milano të Italisë.
Sipas Ministrisë së Sigurisë Publike ky i ri ka udhëtuar nga Pekini në Milano në datën 1 Mars dhe është kthyer sërish në Pekin pas 6 ditësh, ndërsa theksojnë se kthimin nga aeroporti në shtëpi e ka bërë me tren.
Autoritetet atje e kanë dënuar me 18 muaj burg 29-vjeçarin me akuzën: pengim të parandalimit të sëmundjeve infektive, raportojnë mediat e huaja.
Ai rezultoi pozitiv ndaj testit të koronavirusit dhe 40 kontaktet të tij të ngushta janë futur në karantinë të detyrueshme, pasi ende nuk kishin shfaqur simptoma të sëmundjes./Fjala.al/
