Ish-kryeministri Sali Berisha ka reaguar ndaj qëndrimit bullist të Edi Ramës ndaj një komentuesi gjatë komunikimit të tij me qytetarët.
Sipas Berishës, Ramën e tërboi pyetja që i bëri qytetari prandaj u mor me dialektin e tij.
Pak më herët gjatë komunikimit të tij me qytetarët, Rama u kap me një komentues. Ky i fundit e pyeti Ramën nëse përdoruesit e lëndëve narkotike janë të rrezikuar nga koronavirusi.
I sikletosur nga pyetja, Rama u mor me dialektin e tij duke i sugjeruar komentuesit që të mësonte më parë shqip pasi fjala “drogaxhinjtë”, nuk shkruhet “drogagjit”.
Kryeministri e këshilloi komentuesin që të mësonte ABC-në pastaj të kalonte te droga.
Edi Rama: Ja pyet ky këtu: A janë “drogagjit” të rrezikuar? Dëgjo këtu, ti rri brenda mos lëviz dhe mos u merr me drogagjit. Mëso A, B, C, D, E, dhe pastaj eja më trego mua drogagjit.
