Nga personazhet publikë e kemi parë shpesh të promovohet por këtë vit pasarelat e javës së modës në New York na kujtuan se sytë me grim të zi të theksuar do jenë trend i 2024-ës, sa herë të ndihesh se ke nevojë të biesh në sy dhe të jesh ndryshe nga e zakonshmja jote.
Të vendosësh ton sysh të zi, sipas grimierëve konsiderohet si një lëvizje që të vendos në një karakter të ri. Jo me kot markat Marc Jacobs, Jason Wu, Helmut Lang, Prabal Gurung, Altuzarra, Alice & Olivia, PatBo dhe Area e patën pjesë të prezantimit të koleksioneve të reja.
Duke qenë se eventet që po mbahen në New York hapin siparin e vazhdimësisë së një sezoni të ri me veshje dhe trende në fushën e modës, gjendemi para faktit se e zeza te sytë do jetë trendi që do bëjë namin./E.Ç
