Një ditë pasi u bë pjesë e “BBV3”, Liam Osmani ka përfunduar sot në prangat e policisë.
Momenti i arrestimit nuk është dhënë në transmetimin “live”. Liam rezulton i dënuar me 2 vjet e 6 muaj burg për mashtrim biletash në vlerë rreth 6 mijë euro. Para hetuesve, 44-vjeçari pretendon se ka qenë në dijeni të një denoncimi në emër të tij për mashtrim, por jo se ishte dënuar.
Njerëzit në rrjet po shprehen se e gjithë kjo situatë po duket më tepër si show mediatik, pasi ngjarja në fjalë ka ndodhur para 5 vitesh, ndërsa Prokuroria vendosi tani për arrestimin e tij, duke e lënë tërësisht të paqartë këtë situatë.
Liam ka mbërritur në Shqipëri para 10 ditësh nga aeroporti i Rinasit dhe nuk është ndaluar nga Policia./O.S
