Prokuroria e Posaçme ka dërguar kërkesë në GJKKO për rivlerësimin e masave të caktuara nga Gjykata e Fierit në lidhje me shpërthimin në Lushnjë.
Gjykata e Fierit ka lënë në burg sipërmarrësin e ndërtimeve në magazinën në pronësi të deputetit të PS-së, Bujar Çela.
Gjithashtu është vendosur masa e sigurisë arrest me burg për Leonard Gjinin, i cili akuzohet për shkelje të rregullave të mbrojtjes në punë me pasoja të rënda.
Gjykata e Fierit ka ngritur akuza për 7 persona në lidhje me shpërthimin, ku humbën jetën babë e bir dhe u plagosën 6 persona të tjerë.
Akuza janë ngritur edhe për deputetin e PS-së, Bujar Çela, i cili po hetohet për “Shkelje të rregullave të mbrojtjes në punë”, “Ndërtim të paligjshëm”, dhe “Shkatërim të pronës nga pakujdesia”./O.S
