Lady Gaga, e cili është në një lidhje me Michael Polansky që nga viti 2019-të, u pa duke ecur e buzëqeshur, në Hollywood, të dielën, e veshur nga koka te këmbët me të zeza, një pallto të gjallë, këmishë dhe një palë taka klasike.
Në gisht vihet re një detaj që fansave zor se u shpëtoi: Një unazë e madhe diamanti!
Te fotografitë nuk kanë munguar komentet e fansave, që aludojnë për një fejesë të mundshme.
‘Pse nuk po e komenton njeri unazën në gishtin e Gaga-s?’ – komentoi njëri. ‘Je fejuar???’ – shkruhej në një koment tjetër.
Rikujtojmë se në mars të vitit 2023, RadarOnline raportoi se Gaga dhe Polansky, e kishin ndërprerë lidhjen e tyre për shkak të mosmarrëveshjeve për martesën dhe fëmijët. Megjithatë, çifti i sheshoi thashethemet në tetor 2023, kur u panë në një koncert në Las Vegas.
Për sa i përket thashethemeve, Gaga as i ka pohuar, as i ka mohuar./E.Ç
