Ka hapur dyert për artistët dhe artdashësit Qendra e re e Artit, Kulturës dhe Inovacionit një projekt që e ka kthyer qytetin e Korçës në një pol të rëndësishëm të artit dhe kulturës.
Pamjet e këtij investimi i ka ndarë në rrjete sociale Kryeministri Edi Rama i cili shkruan se bashkë me ringritjen e Orkestrës Simfonike, kjo qendër i shton edhe më shumë vlerat artistike qytetit.
“Qendra e re e Artit, Kulturës dhe Inovacionit, një projekt transformues për Korçën ka hapur dyert për artistët dhe artdashësit, duke shërbyer njëkohësisht edhe si një qendër trajnimi e pune për të rinjtë e apasionuar pas teknologjisë së informacionit, e që bashkë me ringritjen e Orkestrës Simfonike ia shtojnë edhe më shumë vlerat artistike qytetit”, shkruan Rama.
Qendra ka krijuar ambiente dinjitoze për artistët dhe artdashësit duke ofruar hapësira shumë funksionale që shërbejnë si salla provash, ekspozitash dhe koncertesh./kb
