Një grua që i dërgoi këngëtarit Harry Styles rreth 8000 letra në më pak se një muaj, është burgosur. Myra Carvalho, 35 vjeçe, mbërriti në Mbretërinë e Bashkuar dhjetorin e kaluar për të përndjekur Styles dhe kishte qëndruar në një bujtinë në Earl’s Court.
Pasi u deklarua fajtore për përndjekje, Carvalho u burgos për 14 javë dhe u ndalua të kontaktonte Styles për dhjetë vitet e ardhshme. Sipas kushteve të një urdhri ndalimi, Carvalhos i ndalohet gjithashtu të marrë pjesë në ndonjë nga koncertet e këngëtarit ose të shkojë në vende ku ajo e di se ai është.
Carvalho, një shtetase braziliane, udhëtoi në MB pa dijeninë e familjes së saj. Ajo u deklarua fajtore për përdjekje që përfshinte alarm apo shqetësim serioz, dhe gjithashtu u urdhërua të paguante një shtesë prej 134£ për viktimën.
Është sprova e dytë e përndjekjes që duroi Styles. Në vitin 2019, ai u ndoq me këmbëngulje nga Diana Tarazaga-Orero./E.Ç
