Kim Kardashian ka qenë e ftuar të hënën në “Jimmy Kimmel Live!” ku dhe ka konfirmuar një thashethem të çuditshëm që qarkullon për të. Ajo u pyet nga moderatori nëse është e vërtetë që paguan një person i cili i heq kartonin e sigurisë së nxehtësisë nga kafja para se ta pijë.
“Po është e vërtetë sepse e unë e urrej ndjesinë dhe zhurmën e atij procesi. Kushdo është me mua ka për ‘detyrë’ të ma heqë atë letër nga kafja. As nuk e shoh dot kur e bëjnë të tjerët si veprim. Për mua, kur hiqet letra rrethuese e kafes është njësoj si të kalosh thonjtë në një dërrasë të zezë, e keni parasysh sa e sikletshme është”, shpjegon ajo.
Kjo intervistë është e para që nga momenti kur Kardashian humbi më shumë se 100 mijë ndjekës prej këngës “diss” që i bëri Taylor Swift. Por kjo temë nuk u prek aspak gjatë bisedës së saj me Jimmy Kimmel./E.Ç
