Drejtori i maternitetit “Koço Gliozheni” me profesion anestezist reanimator, Genci Hyska ka bërë një deklaratë të fortë lidhur me situatën e koronavirusit.
Mjeku i kërkoi qytetarëve që të bëjnë kujdes në këtë kohë pandemie dhe të zbatojnë masat e distancimit social dhe të higjienës, ndryshe do të vijë koha kur mjekët do zgjedhin kujt t’i vendosin respiratorin e kujt jo.
“Unë si anestezist reanimator e di çdo të thotë të jesh i intubuar. Do i kërkoja të distancohen të zbatojnë masat që ka shpallur nga qeveria pasi janë masat që na mbrojnë ne. ‘Nuk e keni idenë sa e vështirë të jesh i intubuar për një pacient dhe për një mjek anestezist reanimator të bëjë një zgjedhje se kujt pacienti do të vendosë respiratorin e kujt jo.
Ju lutem mos na vendosni në këto pozita” tha sot Hyska një lidhje me skype me emisionin “Ditë e Re” në TV Ora.
Për fat të mirë në Shqipëri nuk kemi arritur ende në këtë nivel.
Nga 9 marsi, dita kur u konfirmua pacienti I parë me COVID-19 në maternitetin Koço Gliozheni kanë lindur 255 fëmijë, nga këta 135 djem e 120 vajza.
Gratë shtatzëna duhet të bëjnë kujdes në këtë situatë pandemie, sidomos lehona. Tre këshillat janë: “Distancimi social, higjiena personale dhe ushqimi i shëndetshëm.
Nëse shohin ndonjë shenjë të drejtohen sa më parë tek mjeku.
