Presidenti i Republikës, Ilir Meta, do të mbledhë nesër për të dytën herë Këshillin e Sigurisë lidhur me menaxhimin e krizës së Covid-19.
Këtë gjë e bëri me dije kreu i Partisë Demokratike, Lulzim Basha në emisionin “Tempora” në Rtv Ora teksa konfirmoi pjesëmarrjen.
Ndërsa komentoi ftesën e kryeministrit Edi Rama për të bashkërenduar forcat, Basha tha se prej fillimit ka qëndruar larg retorikës politike dhe do të vazhdojë ta bëjë. Ekspertët e PD-së, tha ai, kanë qenë të gatshëm të kontribuojnë.
“Harxhon shumë kohë për të sharë ekspertët që kanë ftuar vetë mbrëmë. Ekspertët tanë janë gati për të punuar për të mirën e qytetarëve. Vetëofroj pa asnjë kufizim të gjithë ekspertizën time. Propozimet që ekspertët tanë kenë parashtruar të merren parasysh me shumë seriozitet ashtu siç edhe më është premtuar në mbledhjen e Këshillit të Sigurisë. Meqë ra fjala, presidenti më njoftoi se ka për qëllim që të thërrasë një tjetër mbledhje të Këshillit të Sigurisë Kombëtare ditën e nesërme,”-u shpreh kryedemokrati./Fjala.al/
