Ministrja e Shëndetësisë dhe Mbrotjes Sociale, Ogerta Manastirliu ka bërë me dije se gjatë ditës së sotme, ndonëse u identifikuan 24 raste të reja me COVID-19, ka edhe lajme të mira.
Manastirliu ka bërë me dije se gjatë 24 orëve të fundit janë shëruar 26 persona, gjysma e të cilëve nga të prekurit në Shkodër.
Këtë lajm, ministrja e bëri publik përmes një postimi në ‘Facebook’.
“? 26 të shëruar në 24 orët e fundit, gjysma e të cilëve në Shkodër. Lajm inkurajues është se numri i të shëruarve prej 5 ditësh rezulton të ketë kaluar numrin e të infektuarve aktiv. Kjo është një shenjë e mirë krahasuar me vendet e rajonit, megjithatë, ende nuk është koha për bilance se nuk jemi në kushtet kur lufta ka mbaruar!”, shkruan Manastirliu.
