Will Smith ka pasur disa takime drithëruese gjatë rrjedhës së jetës së tij. Gjatë javëve të fundit, Smith ka promovuar filmin e tij të ri, “Bad Boys: Ride or Die”, duke e shtyrë atë të ndalet në evente të ndryshme në tapetin e kuq, si dhe ka dhënë disa intervista. Në një paraqitje në “The Tonight Show Starring Jimmy Fallon”, Smith tregoi një nga përvojat më drithëruese të jetës së tij.
Smith, Martin Lawrence dhe Fallon po luanin një lojë të quajtur “Rrëfimet e vërteta”, ku ndanë histori të ndryshme nga jeta e tyre. Smith filloi të fliste për një situatë që e shtyu të bënte një ‘checkout’ emergjent nga një hotel. “Kjo ndodhi ndoshta 27 vjet më parë,” tha Smith. “Fantazma urinoi në tualetin e mikut tim dhe fshiu të gjitha mesazhet nga telefoni i tij.”
Takimi i mbinatyrshëm ndodhi në një hotel luksoz në Londër të quajtur Hyde Park, i cili ka pritur të gjitha llojet e personazheve të famshëm. “Ne nuk e dëgjuam të fliste, kështu që supozuam se ishte britanik, por ishte mjaft e frikshme për ne që të dilnim nga hoteli,” tha Smith.
“A beson te fantazmat?” pyeti Fallon.
“Unë besoj se ka gjëra që nuk i kupton dot, Jimmy,” tha Smith, duke shkaktuar të qeshura./E.Ç
