Kryeministri Edi Rama tha sot se brenda javës së ardhshme do të ngrihet një Tak Forcë që do të zbatojë protokollin për bizneset që do të lejohen të qëndrojnë të hapura.
Në një komunikim live në “Facebook”, Rama theksoi se do vendoset mjek në çdo biznes që ka risk të lartë, për t’u prekur nga koronavirusi.
“Një Task Forcë e cila do ta ketë bërthamën në kryeministri dhe më pas bashkiake dhe më pas grupe në territor që do të ndjekin nga afër ekzekutimin e standardeve të vendosura sipas protokolleve për ata që ushtrojnë aktivitetin në këto kohë. Po punojmë për të vendosur kategorinë e bizneseve që hyjnë në biznese me protokoll të kuq (risk i lartë), portokoll jeshil, ku risku është i ulët, dhe me protokoll të verdhë ku risku është mesatar. Do të vendosim një bluzë të bardhë, pra një person që do të ndjekë nga afër zbatimin pikë për pikë të protokollit në kohë reale, që të mos ketë asnjë cënim të zbatimin e rregullave, në bizneset me risk të lartë”, tha Rama./Fjala.al/
