Një mjek është ndaluar nga policia pasi akuzohet për mashtrim, kur pretendonte se kishte gjetur kurën për koronavirusin.
Dr. Jennings Ryan Staley u akuzua për mashtrim pasi ai shiste një kurë prej 4000 mijë dollarësh me pretendimin se ilaçi krijonte imunitet te njerëzit duke luftuar koronavirusin brenda gjashtë javëve.
Staley i dërgonte me e-mail ofertat mbi ilaçin e tij me të cilin pretendonte se trajtonte COVID-19.
Që në muajin mars ai pretendonte ilaçi që ai posedonte bënte mrekulli në shërimin e koronavirusit dhe një familje prej katër vetash mund ta merrte atë për 3,995 dollarësh.
Sipas mjekut, ilaçi i tij përfshinte hidroksilkorinë dhe azitromicinë, ku përveç koronavirusit ai trajtonte ankthin dhe panikun.
Staley, i cili është një mjek i licencuar dhe zotëron Skinny Beach Med Spa në San Diego të Kalifornisë, sipas prokurorëve amerikanë, iu ka ofruar njerëzve hidroksilkolinë, azitromicinë dhe Xanax si pjesë e asaj që ai e cilësonte “pako e plotë trajtimi ndaj COVID-19”.
Staley iu kishte thënë fillimisht prokurorëve se ai “nuk e kishte hasur kurrë diçka të tillë në mjekësi”. Ndërsa një javë më vonë kur FBI intervistoi Staley-n, ai u tha agjentëve se “do të ishte budallallëk” të përpiqesh t’i shesësh dikujt një ilaç që e shëron 100 për qind.
Mjeku ka thënë para prokurorëve se shërimi përmes ilaçeve të tij nuk ishte 100 për qind përfundimtar.
Sipas prokurorëve “Ai pretendoi se ndërmjetësi i tij ishte duke kontrabanduar hidroksiloklorinë nga Kina për të prodhuar pilulat , si dhe ka fshehur dërgesën nga autoritetet doganore” .
Avokati amerikan Robert Brewer Jr tha në një deklaratë se “Ne nuk do të tolerojmë ata që mashtrojnë për COVID-19, të cilët përpiqen të përfitojnë nga frika e pandemisë për të mashtruar, vjedhur dhe dëmtuar të tjerët. Qëndroni të sigurt: ata që përfshihen në këtë sjellje të përbuzur do të gjenden në në duart e prokurorëve federale.” /Përshtati nga The Sun për Fjala.al, B. Quku/
