Një nga pyetjet më të shpeshta kohët e fundit në showbizin shqiptar ka qenë nëse Tuna dhe Cozman janë bashkë.
Fillimisht, vitin e kaluar ata u ribashkuan artistikisht duke sjellë një duet disa vite pas ndarjes jo dhe aq miqësore. Një këngë për një marrëdhënie toksike që shumë e interpretuan se një dedikim mbi raportin e tyre.
Më pas ata filluan koncertet e përbashkëta. Dhe jo thjesht koncerte, por performanca provokuese ku shfaqen shumë të afërt.
E kur marrëdhënia e Tunës me babain e dy fëmijëve të saj, Patrisin, mbetet e paqartë, a ka një rikthim mes saj dhe Cozman? Ky i fundit e ka mohuar këtë në një intervistë të fundit.
Në një prononcim për Kanal 10, artisti deklaroi se ata janë vetëm miq dhe se nuk ka asgjë mes tyre.
“Raporti ynë është shoqëror, jemi vetëm shokë”, u shpreh ai gjatë intervistës./E.Ç
