Një tjetër person është akuzuar për vrasjen e 39 personave që vdiqën në kamion kur po hynin ilegalisht në Britani.
Policia e Essex ka vënë në pranga Ronan Hughes me akuzën e vrasjes. Ai do të paraqitet nesër në Gjykatën e Lartë të Dublinit.
40-vjeçari nga Irlanda e Veriut akuzohet edhe imigracion të paligjshëm.
“Ky hetim është një nga më të mëdhenjtë në historinë e Policisë Essex dhe ne po punojmë pa u lodhur për të bashkuar ngjarjet që shkojnë deri në 23 tetor 2019. Puna e palodhur po bëhet për hir të viktimave dhe të dashurve të tyre.
Ne kemi punuar ngushtë me Agjencinë Kombëtare të Krimit dhe Shërbimin e Prokurorisë, por edhe prokurorët në Republikën e Irlandës, Irlandën Veriore, Francën, Belgjikën, Hollandën, Bullgarinë, Gjermaninë dhe Vietnamin,” tha kreu i Drejtorisë së Krimeve të Rënda në Kent dhe Essex.
Trupat e shtetasve Vietnamezë u zbuluan menjëherë pasi kamioni mbërriti në Mbretërinë e Bashkuar në një traget nga Zeebrugge në Belgjikë. 31 meshkuj dhe tetë femrat u zbuluan në një rimorkio frigoriferike në 23 tetor në Grays, Essex. Midis burrave, grave dhe fëmijëve ishin 10 adoleshentë, dy prej tyre djem 15 vjeç. Në mars, u zbulua se të gjithë vdiqën nga asfiksia dhe hipertermia.
Burimi: Sky News, Përshtati: Fjala.al
