Kryeministri i Britanisë së Madhe, Boris Johnson, ka zhvilluar një bisedë telefonike me presidentin amerikan, Donald Trump, teksa vazhdon trajtimin e tij për koronavirusin.
Momentalisht Johnson ndodhet në rezidencën e tij shtetërore, ndërsa pritet që të komunikojë me Mbretëreshën, Elizabeta II gjatë kësaj jave.
BBC raportonte zëdhënësit qeveritarë kanë thënë se Johnson nuk është duke u marrë me procedurat zyrtare të qeverisë.
Në bisedën e zhvilluar me Trump, kryeministri britanik ka falënderuar presidentin e SHBA-ve, për urimet që i ka dhënë në kohën që nuk ishte në gjendje të mirë shëndetësore.
Mësohet se të dy zyrtarët të kenë diskutuar bashkëpunimin Britani- Shtetet e Bashkuara, në luftën kundër pandemisë Covid-19, dhe kanë arritur pajtueshmëri për përgjigjen e koordinuar ndërkombëtare./Fjala.al/
