10 vitet e fundit janë përfshirë nga një bum raportimesh të imazheve satelitore. Kjo është udhëhequr nga një rritje në numër e satelitëve tregtarë që ka zvogëluar koston e imazheve të tilla, dhe përparimet në teknologji që i kanë bërë imazhet me rezolucion të lartë të arritshme në shumë pjesë të botës, pothuajse menjëherë, madje edhe nga telefoni.
Ndërmarrja e imazheve satelitore të SHBA-së “Maxar Technologies Inc” ka publikuar imazhe të ngjarjeve më të mëdha të dekadës së kaluar duke përfshirë këtu e katastrofat natyrore.
Uraganet
Në vitin 2017, tre uragane të fuqishme – Harvey, Irma dhe Maria – u përplasën në pjesë të ndryshme të vendit, duke shkaktuar 265 miliardë dollarë dëme në katër javë.
Uragani Irma ishte stuhia e dytë më e fortë e regjistruar në Atlantik, e cila shkatërroi Karaibet dhe përfshiu qytetin e Floridës duke shkaktuar 50 milion miliardë dollarë dëme. Më pas ndodhi uragani “Maria” që shkatërroi pjesë të Porto Rikos dhe la pas dëme me vlerë 90 miliardë dollarë.
Derdhja e naftës
Derdhja më e madhe e naftës në det të hapur në Amerikë ndodhi nga një shpërthim që vrau 11 njerëz. Ndodhi më 20 prill 2010, nga pajisja e shpimit “Deepwater Horizon”, e cila po nxirrte naftë.
Shkrirja e akullnajave
Akullnajat në Groenlandë filluan dekadën duke humbur rreth 54 miliardë ton (51 miliardë tonë metrikë) akull në vit. Ajo u ngadalësua në rreth 37 miliardë ton (34 miliardë tonë metrikë) në 2018 për tu rritur sërish në 2019.
Akullnajat në Andet Jugore humbën rreth 37 miliardë ton (34 miliardë tonë metrikë) në vit në fillim të pjesës së dekadës, dhe në 2018-ën po humbnin afro 47 miliardë ton (42.5 miliardë tonë metrikë) në vit.
Rritja e nivelit të detit nga humbja e akullit në të gjithë globin ka rritur përmbytjet, erozionin bregdetar dhe problemet e shëndetit dhe sigurisë, duke ndikuar në jetën e njerëzve, komunitetet dhe ekonominë.
Zjarret
Duke parë nga hapësira më 9 nëntor 2018, rrethinat e Kalifornisë shkëlqenin si qymyr i djegur. Tetëdhjetë e pesë njerëz vdiqën. Rreth 19,000 shtëpi, biznese dhe ndërtesa të tjera u shkatërruan.
Tërmeti në Japoni- Fukushima
Një tërmet me madhësi 9.0 dhe tsunami gjigant goditi termocentralin bërthamor Fukushima në Japoni më 11 Mars 2011, duke bërë që sistemet e tij kryesore të ftohjes të dështojnë, e duke sjellë shkrirjen e tre reaktorëve dhe përhapjen e rrezatimit në komunitetet përreth dhe jashtë në det./Fjala.al/Përshtati: Kamela Liko/Burimi: DailyMail
