Lideri i Koresë së Veriut, Kim Jong-un, ka thyer heshtjen pas pretendimeve se është sëmurë rëndë.
Sipas mediave shtetërore të Koresë së Veriut, Kim Jong-un i ka shkruar sot një letër presidentit të Sirisë, Bashar Al-Asad.
Në mesazhin e tij, thuhet se Kim ka “shprehur falënderimet e tij të thella për presidentin për dërgimin e mesazhit të tij të përzemërt të përshëndetjes”.
Sipas Koresë së Veriut kjo “pasqyron respektin e ngrohtë për Presidentin Kim Il-sung, i cili është gjithmonë i gjallë në zemrat e popullit të Koresë dhe progresistëve në botë, me rastin e 108-vjetorit të tij të lindjes”.
“Duke shprehur besimin se lidhjet miqësore të Koresë së Veriut dhe Sirisë do të bëhen më të forta të vërteta për qëllimin fisnik të liderëve të mëparshëm dhe dëshirën e njerëzve të të dy vendeve”, thuhet në media.
Spekulimet për shëndetin e Kim filluan për shkak të mungesës së tij në përvjetorin e ditëlindjes së gjyshit të Kim, Kim Il-sung, më 15 prill. Ai nuk është parë në publik për 10 ditë, duke nxitur edhe frikën për gjendjen e shëndetit të tij gjatë një pandemie të koronavirusit në mbarë botën.
