Braziliani shpjegon përvojën e tij në burgun e Shoqatës së Specializuar të Paraguait ku u fut për përdorim të dokumenteve false
Ronaldinho ishte burgosur për një muaj në ndërtesën e Shoqatës së Specializuar të Paraguait dhe tani ndodhet nën arrest shtëpie, konkretisht në një hotel në qytetin e Asuncion.
Teksa ka folur për përvojën e tij pas hekurave Ronaldinho pas hekurave, gjë e cila nuk e ka penguar atë të shijojë pasioni i tij të madh, futbollin.
“Të gjithë njerëzit më kanë pranuar me dashamirësi në burg. Të luaja futboll, të nënshkruaja autografe dhe të fotografoja veten time është pjesë e jetës sime, kështu që unë nuk pata arsye të ndaloja ta bëja atë në burg, veçanërisht me njerëzit që kishin një problem si unë,”-shpjegoi braziliani në një intervistë për gazeta ABC Color në Paraguai.
Ylli brazilian gjithashtu rikujtoi momentet e tij të shkëlqyera si futbollist dhe mes tyre kohën si lojtar i Barçës: “Ishte një moment magjik. Arritja e Ligës së Kampionëve me Barçën ishte diçka shumë e veçantë. Klubi nuk po vinte nga vitet e mira dhe të fitosh diçka të rëndësishme përsëri ishte e veçantë ”.
Ish-lojtari thekson se ishte një “goditje e fortë” kur gjyqtarja Clara Ruiz dekretoi burgun e përkohshëm. “Asnjëherë nuk e imagjinoja që të kaloja një situatë të tillë,” tha Ronaldinho, i cili shpjegoi arsyet e vizitës së tij në Paraguai: “Çdo gjë që bëjmë është në bazë të kontratave që menaxhohen nga përfaqësuesi im, i cili është vëllai im. Ne kemi ardhur për hapjen e një kazinoje në internet dhe publikimin e librit Craque da vida.”
Pas kalimit në kufirin paraguaian, Ronaldinho dhe Roberto de Assis, vëllai i tij, u kapën me pasaporta false. “Ne u befasuam plotësisht kur mësuam se dokumentet nuk ishin të ligjshme”, tha ish-lojtari, përveç shpjegimit se që nga atëherë “qëllimi i tij ka qenë të bashkëpunojë me drejtësinë për të sqaruar gjithçka”.
Pasi pagoi për liri me kusht 1.6 milionë euro, Ronaldinho u lirua nga burgu për të qëndruar në një hotel, ku pret zgjidhjen e çështjes: “Unë shpresoj që sistemi i drejtësisë të mund të përdorë dhe konfirmojë gjithçka në lidhje me pozicionin tonë në këtë çështje që ne të mund të dalim nga kjo situatë sa më shpejt të jetë e mundur “, dëshmoi ai.
Nëse drejtësia e lejon atë të kthehet në Brazil, Ronaldinho siguroi që gjëja e parë që ai do të bëjë është t’i japë nënës së tij një “puthje të madhe” dhe në këto muaj të prekur nga pandemia e koronavirusit ai u shpreh se do të kërkojë mënyra për të nxjerrë më të mirën nga kjo situatë.” Gjatë gjithë jetës sime kam kërkuar të sjell gëzim te njerëzit me futbollin tim,”përfundoi ai./Fjala.al/Katerina Tafa/
