Kuvendi i Shqipërisë këtë të hënë do të zhvillojë sot në orën 17:00 seancë plenare.
Në rend dite është parashikuar miratimi i procesverbalit të seancës plenare të datës 17.10.2024. Në kuadër të javës që gjelbër, pritet që të diskutohen çështjet e evidentuara nga zgjedhësit e qytetarët në terren.
Diskutimet do të zgjasin jo më shumë se 4 orë. Ndërkohë, deputetët e PD janë mbledhur për të diskutuar për aksionin e opozitës. Burime nga mbledhja bëjnë me dije se po diskutohet që në Kuvend të shkojnë vetëm deputetët e papërjashtuar, ndërkohë që të tjerët do angazhohen në terren për protestën e PD ditën e nesërme.
Seanca plenare e 17 tetorit u shoqërua me tensione, pasi opozita, ashtu siç kishte paralajmëruar, vijoi mosbindjen civile. Protesta u përshkallëzua pasi deputetë të opozitës u përplasën me Gardën jashtë ambienteve të Kuvendit si dhe me forcat e Policisë./ S,M
