Pavarësisht bllokimit të 6 akseve kryesore në vend një ditë më parë për shkak të protestës drejtuesit e mjeteve kanë gjetur rrugë alternative për të vijuar udhëtimin e tyre.
Policia orientoi drejtuesit e mjeteve drejt rrugëve dytësore për të shmangur trafikun dhe bllokimet e tjera të mundshme.
“Pati segmente ku pati ngarkesë trafiku, por në asnjë moment nuk pati kolaps trafiku apo bllokim”,-tha Gerhard Baka, specialist i qarkullimit rrugor
Nuk munguan as rastet e emergjencave shëndetësore, por protestuesit u treguan mirëkuptues duke hapur rrugën.
“Kemi patur dy apo tre raste emergjencash shëndetësore. Transportin e ka bërë ambulancat pasi pati mirëkuptim nga ana e protestuesve që ambulancat të kalonin pa pasur vonesa”,-tha Baka.
Gjithashtu nuk raportohet për incidente mes drejtuesve të mjeteve dhe protestuesve./ S.M
