Quincy Jones, muzikanti dhe producenti i njohur amerikan që ka punuar me Michael Jackson, Frank Sinatra, Ray Charles dhe shumë të tjerë, ka vdekur në moshën 91-vjeçare.
Sipas mediave të huaja, publicisti i Jones, Arnold Robinson, tha se ai “vdiq i qetë” të dielën në mbrëmje në shtëpinë e tij në Bel Air.
“Sonte, me zemra të plota, por të thyera, ne duhet të ndajmë lajmin për vdekjen e babait dhe vëllait tonë Quincy Jones. Dhe megjithëse kjo është një humbje e pabesueshme për familjen tonë, ne festojmë jetën e mrekullueshme që ai jetoi dhe e dimë se nuk do të ketë kurrë një tjetër si ai”, tha familja në një deklaratë.
Jones ishte më i njohur si producenti i albumit Thriller të Michael Jackson.
Gjatë një karriere që përfshin më shumë se 75 vjet, ai fitoi 28 çmime Grammy dhe u emërua si një nga muzikantët më me ndikim të xhazit të shekullit të 20-të nga revista Time./e.t
