Ministri në detyrë për Evropën dhe Punët e Jashtme, Gent Cakaj ka zhvilluar ditën e sotme një video-konferencë me ministrant e jashtëm të Ballkanit Perëndimor dhe Komisionerin për Politikat Evropiane të Fqinjësisë dhe Zgjerimit, Olivér Várhelyi.
“Në këtë takim digjital shprehëm mirënjohjen për mbështetjen e pakursyer të Bashkimit Evropian në luftën kundër COVID-19 dhe nënvizuam rëndësinë e përqendrimit të mëtejmë të të gjitha përpjekjeve në përballimin e kësaj sfide.”, u shpreh Cakaj në lidhje me konferencën.
Ai theksoi punën e Shqipërisë në rrugën evropiane duke treguar përkushtimin për të vepruar në përputhje me të gjitha prioritetet, siç janë paraqitur në përfundimet e fundit të Këshillit.
“Kjo është thelbësore për të përparuar edhe me tutje në procesin e negociatave për anëtarësim në Bashkimin Evropian.”– përfundoi Kryediplomati Cakaj, postimin e tij.
