Ministrja e Infrastrukturës, Belinda Balluku ka shkuar ditën e sotme në bashkinë e Vorës ku ka parë nga afër 21 shtëpitë e ndërtuara për disa familje që kishin mbetur pa banesë nga tërmeti i 26 nëntorit 2019.
Balluku ka parë banesat dhe u ka dorëzuar çelësat familjeve dhe ka bërë me dije që do vazhdohet me punimet për të gjitha banesat e dëmtuara.
Në një video-live të bërë publike nga Kryeministri Edi Rama në Facebook, Balluku theksoi se këto janë shtëpitë e para.
“Ju jeni dallëndyshet e para të pranverës që hyjnë në shtëpitë e tyre dhe shumë të tjerë do i kenë së shpejti banesat.”-tha ministrja./Fjala.al/
