Ylli i basketbollit Michael Jordan është tërhequr vite më parë nga basketbolli i luajtur por influenca e tij mbetet më e fortë se kurrë në media dhe jo vetëm.
Ish lojtari i “Chicago Bulls” ishte ylli në rritje i botës së basketbollit por ende 2 dekada më vonë, shkëlqen dhe pushton portalet. Aq sa, i ofrohen para vetëm për të marrë pjesë në evente të ndryshme sportive e kulturore.
Agjenti i tij David Falk rrëfen se me Michael ishte e lehtë të punojë, se vinin klientët tek ai dhe jo ai tek ata.
“Ishte aq e lehtë të punojë për Jordan. I sigurova një kontratë 3 vjeçare për shumën e 100 milionë dollarëve. Gjithcka që ai duhej të bënte ishte të jepte emrin e tij, të shfaqej në një aktivitet vetëm për një orë dhe më pas të largohej” thotë Falk duke treguar se Michael refuzoi edhe për kaq.
“Zoti e bekoftë. Ka qënë aq i suksesshëm sa mund të arrinte gjithçka, vetëm prej emrit dhe famës që kishte. Por ai ka qënë shumë selektiv” shton më tej agjenti.
Jordan pushtoi portalet muajin e shkuar pas premierës së dokumentarit kushtuar vetë atij “The last dance”. Seritë që do të transmetohen në rrjetin televiziv ESPN u shfaqën premierë më 19 prill dhe do të vijojnë deri më 17 maj./Burimi: CNN Përshtati: Fjala.al
