Aktorët politikë në Kosovë kanë reaguar të gjithë pas vendimit të Gjykatës Kushtetuese për të pezulluar formimin e Qeverisë së re, deri më 29 maj kur do të shprehet me vendim përfundimtar.
Lidhja Demokratike thekson se është në pritje të vendimit përfundimtar të Gjykatës, ndërkohë që i mbetet qëndrimit se formimi i qeverisë me Avdullah Hotin kryeministër është konform Kushtetutës.
“LDK mbetet e vendosur që, në përputhshmëri të plotë me normën kushtetuese, të krijojë Qeverinë e re. LDK-ja dhe partnerët dje kanë dorëzuar kërkesën për seancë të jashtëzakonshme, të mbështetur nga 61 deputetë, sencë e cila do të mbahet pas vendimit final të Gjykatës Kushtetuese, meqë LDK-ja është e bindur se procesi i mandatimit të z. Avdullah Hoti është bërë konform normës kushtetuese dhe kompetencave kushtetuese që ka Presidenti i Kosovës”, thuhet në njoftim.
Edhe Vjosa Osmani, kryetare e Kuvendit, ka reaguar për vendimin: “Si kryetare e Kuvendit të Kosovës dhe njeri i që respekton gjithnjë vendimet e institucioneve të pavarura, do të kujdesem që Kuvendi t’i ndërmarrë të gjithë hapat në përputhje me vendimin e Gjykatës Kushtetuese të Kosovës dhe i ftoj të gjithë udhëheqësit politikë e institucionalë që t’i respektojnë vendimet e kësaj gjykate, pavarësisht nëse pajtohen me to ose jo”.
Ndërkohë që Kadri Vesili i PDK-së kërkon që vendi të shkojë në zgjedhje të parakohshme.
“Si qeveria Kurti dhe qeveria Hoti është mashtrim dhe vazhdimësi e manipulimit”, u shpreh Veseli duke folur në emisionin “Balkan Talk”, në Euronews.
