Gjykata e Durrësit ka dhënë arrest me burg për dy autorët e vrasjes së vëllezërve Besmir dhe Viktor Haxhia.
Gjykata vendosi të lërë në burg Altin Ndocin si edhe 22-vjecarin me inicialet, K.A, të arrestuar ditën e djeshme nga policia në kuadër të operacionit “Shën Vlash”.
Ata u dërguan në gjykatë nën masa të rrepte sigurie.
Në cilësinë e provës materiale policia njoftoi se sekuestroi 3 armë zjarri kallashnikov, municion luftarak, 12 aparate telefonik të përdorur e prova të tjera të vlefshme që do i shërbejnë hetimit për dokumentimin e plotë të këtyre ngjarjeve.
