Kritika të ashpra nga vende të Bashkimit Evropian rreth ndërhyrjes së premtuar të Turqisë me trupa në Libi. Shtetet e BE-së kanë interesa direkte në vendin afrikanoverior. Qipro dhe Greqia e kanë sulmuar vendimin për të ndërhyrë me trupa dhe e kanë quajtur një shkelje të rëndë të ligjeve dhe marrëveshjeve ndërkombëtare.
Sipas qipriotëve interesi i vetëm i Turqisë është rezerva e madhe hidrokarbure që ndodhet në Mesdhe dhe që e kontrollon Libia, e cila është përfshirë nga Lufta civile.
Mbështetje qipriotet kanë marrë edhe nga kryesuesi i parlamentit gjysmë legjitim libian Aguila Saleh, i cili ndodhej në një vizitë zyrtare në Ishull. Në një deklaratë të përbashkët për mediat ata e quajtën planin për të dërguar trupa në Libi të papranueshëm dhe e akuzuan Ankaranë se po e përshkallëzon tensionin në rajon.
Marrëveshjen e saj Turqia e ka arritur me qeverinë e akordit kombëtar Libian, e cila sipas Saleh e ka humbur legjitimitetin e saj dhe tashmë kërkon të shesë Libinë dhe pasuritë e saj te ndërkombëtarët. Ajo së cilës i druhen më shumë si libianët ashtu si edhe vendet e rajonit është dërgimi i trupave turke në vendin e përçarë nga lufta civile.
