Bledar Muça është arrestuar pasi ka aksidentuar një efektiv të policisë së burgjeve, ndërsa ky i fundit ishte duke lëvizur me motoçikletë.
Arrestimi i tij mësohet të jetë bërë në lagjen “Emin Matraxhiu” në Elbasan. Mjeti tip “Volkswagen”, me drejtues Bledar Muçën është përplasur me motoçikletën që drejtohej nga Hekuran Pisha, ku për pasojë mbeti i plagosur drejtuesi i motoçikletës, i cili tashmë ndodhet nën kujdesin e mjekëve.
Rikujtojmë se Muça është miku i familjes Çapja në Elbasan dhe katër vite më parë ishte objektiv i një atentati bashkë me Florenc Çapjan. Ata i shpëtuan atentatit të paprekur, ndërsa u plagos një kalimtare. Për ngjarjen në fjalë policia shpalli në kërkim dhe arrestoi më vonë Shkëlzen Hasanpapajn.
Njoftimi i Policisë Elbasan:
Specialistët e Qarkullimit Rrugor në DVP Elbasan, arrestuan në flagrancë shtetasit:
B.M., 41 vjeç, dhe H.P.,43 vjeç, banues në Elbasan , arrestimi i tyre u bë pasi në lagjen “Emin Matraxhiu”, Elbasan mjeti tip “Volksëagen”, me drejtues shtetasin B.M., është përplasur me motoçikletën me drejtues shtetasin H.P., si pasojë e aksidentit është plagosur drejtuesi i motoçikletës i cili ndodhet nën kujdesin e mjekëve.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme./Fjala.al/
