Duke filluar nga kjo e hënën (nesër), Aeroporti i Vjenës do të ofrojë mundësinë e testimit për koronavirus.
Të gjithë personat që hyjnë në Austri duhet të posedojnë një certifikatë shëndetësore që nuk janë të infektuar me COVID-19. Në të kundërt, ata duhet të izolohen në periudhë 14 ditore.
Për këtë arsye në aeroport do të bëhet një testim, i cili kushton 190 euro dhe që do jetë në dispozicion edhe për udhëtarët që largohen nga Vjena.
Momentalisht Austria ka regjistruar 15.526 raste me koronavirus dhe 598 vdekje, ndërsa tani ky vend ka filluar të lehtësojë masat e izolimit duke lejuar hapjen e disa llojeve të biznesve./Fjala.al/
