Nga Spartak Ngjela
Korrupsioni i lartë sot në Tiranë është kundër shqiptarisë, por ai nuk ka më asnjë forcë për të mbijetuar.
Tani mund të themi se: e vetmja shpresë e korrupsionit të lartë shtetëror në Shqipëri është që, ai të mos ketë asnjë shpresë.
Korrupsioni i lartë shtetëror, i akuzuar për veprat penale që pret të dënohet, është ngritur i gjithë kundër SPAK-ut, domethënë kundër shqiptarisë.
Por dihet se SPAK inspektohet dhe paguhet nga ndërkombëtarët e mëdhenj që duan të çlirojnë Shqipërinë dhe shqiptarët nga korrupsioni.
Dhe korrupsioni i lartë shtetëror në Shqipëri ndërkohë ka hyrë në procesin e vet që po e çon drejt fundit të tij.
Po SPAK, a do ta shpëtojë Shqipërinë nga korrupsioni i lartë shtetëror që, me skemën e antishqiptarisë, po shkatërronte Shqipërinë dhe pavarësinë e dinjitetin e saj historik?
Kjo tani është një gjë e sigurt: SPAK do ta shpëtojë Shqipërinë dhe shqiptarët nga korrupsioni i lartë shtetëror.
Dihet si e provuar se…
Korrupsioni i lartë sot në Tiranë është kundër shqiptarisë, por ai nuk ka më asnjë forcë për të mbijetuar.
Ndërsa tani është e sigurt që zhdukja e korrupsionit të lartë shtetërorë në Shqipëri, do të sjellë domosdoshmërisht edhe bashkimin kombëtar.
Të korruptuarit e mëdhenj, me shtypin dhe televizionet e tyre, janë hedhur të gjithë bashkë në sulm kundër SPAK.
Kurse SPAK qesh e tallet me ta dhe ditë për ditë po ngre akuza kundër të korruptuarve të lartë shtetëror.
Por ndërkohë, të gjithë duhet ta dinë dhe të jenë të sigurt se, me likuidimin tërësor të korrupsionit të lartë shtetëror, në Shqipëri do të fillojë drejtësia e re patriotizmi dhe mbrojtja e fortë e interesit kombëtar./ S,M
