Fondacioni i miliarderit Michael Bloomberg ka deklaruar se do të ndërhyjë për të financuar detyrimet financiare të Amerikës ndaj organit të OKB-së për ndryshimet klimatike, pasi Trump bëri thirrje që SHBA të tërhiqet nga Marrëveshja e Parisit për herë të dytë.
Në një nga shumë urdhra ekzekutivë, të nënshkruar në ditën e tij të parë të kthimit në detyrë , Trump tha se do t’i jepte fund të gjitha angazhimeve financiare ndërkombëtare të SHBA-së për klimën.
Bloomberg, i cili shërben si i dërguar i posaçëm i OKB-së për ndryshimet klimatike, thotë se ndërhyrja e tij synon të sigurojë që Konventa Kuadër e Kombeve të Bashkuara për Ndryshimet Klimatike të mbetet plotësisht e financuar.
“Nga viti 2017 deri në 2020, gjatë një periudhe mosveprimi federal, qytetet, shtetet, bizneset dhe publiku u ngritën në sfidën për të mbështetur angazhimet e kombit tonë, dhe tani, ne jemi gati ta bëjmë përsëri”, thotë ai.
Gjatë mandatit të tij të parë si president Trump bëri që SHBA të ishte vendi i parë në botë që u tërhoq zyrtarisht nga marrëveshja e Parisit për klimën, një marrëveshje e hartuar në 2015 për të forcuar përgjigjen globale ndaj kërcënimit të klimës ndryshim. Me marrjen e detyrës, pasardhësi i tij Joe Biden e anuloi vendimin./e.t
