Britania ka marrë masa të reja për blerjen e armëve të ftohta si thikat. Autoritetet njoftuan të dielën se do të detyrojnë shitësit që të zbatojnë kontrolle më të rrepta për verifikimin e moshës për të parandaluar blerjen e thikave nga fëmijët, në një forcim të politikave pas një ngjarjeje ku një adoleshent pranoi se vrau tre vajza të reja gjatë një eventi të Taylor Swift.
Sulmi me thikë i Axel Rudakubana në korrik u përshkrua javën e kaluar nga Kryeministri Keir Starmer si një nga momentet më të tmerrshme në historinë e Britanisë dhe ka nxitur një hetim publik për problematikat që lejuan që kjo të ndodhte.
Ndërsa hetimi pritet të fokusohet në arsyet pse institucionet shtetërore dështuan të vepronin pas paralajmërimeve për vrasësin para sulmit të tij, vëmendja ka kaluar edhe tek rregullat për blerjen e thikave. Ligjet aktuale britanike kërkojnë që shitësit të kenë një sistem verifikimi të moshës për të parandaluar blerjen e thikave nga ata nën 18 vjeç, por disa elementë të këtyre sistemeve nuk janë të përcaktuara qartë.
Ministrja e Brendshme, Yvette Cooper, tha në parlament javën e kaluar se ishte një turp që Rudakubana, i cili ishte 17 vjeç në kohën e sulmit, kishte mundur të blinte një thikë online./e.t
