Filipinet janë një shtet me një veçori që i dallon nga vendet e tjera të botës, dhe kjo veçori nuk ka të bëjë me klimën ose aspekte të tjera shoqërore, ekonomike apo politike, por me simbolin e vet kombëtar, flamurin.
Të gjithë ngjyrat e flamurit të Filipineve kanë një kuptim të veçantë që përfaqësojnë aspekte të rëndësishme të historisë dhe identitetit të këtij vendi, dikur koloni spanjolle. Bluja simbolizon unitetin kombëtar dhe idealet e vendit, e kuqja përfaqëson gjakun, guximin dhe kurajën e atyre që luftuan për pavarësinë e Filipineve, ndërsa e bardha simbolizon pastërtinë dhe paqen.
Një veçori interesante e flamurit të Filipineve është se ka dy versione: një me ngjyrat siç janë dhe një tjetër me ngjyrat të përmbysura. Kur flamuri ka ngjyrën e kuqe në pjesën e sipërme, përdoret gjatë periudhave të luftës. Në të dyja versionet, tre yjet e flamurit përfaqësojnë tre ishujt kryesorë të Filipineve: Luzon, Visajet dhe Mindanao, ndërsa tetë rrezet më të trasha të diellit përfaqësojnë tetë provincat që ishin të parat që u rebeluan kundër sundimit spanjoll.
Përveç flamurit të Filipineve, shumë flamuj të tjerë kanë veçori interesante. Për shembull, flamuri i Paraguajit është i vetmi flamur në botë që ka një dizajn të ndryshëm në anën e përparme dhe atë të pasme. Flamuri i Mozambikut është gjithashtu i veçantë, pasi përmban një imazh të një arme AK-47, që është flamuri i vetëm në botë me një armë moderne./e.t
