Studimi i OBSH tregon sa njerëz do vdesin në një vit, kulmi do arrihet në këtë vend

113 563 lexime

124,178FansaPëlqeje

Organizata Botërore e Shëndetit thotë se pandemia e virusit vdekjeprurës COVID -19 do të kërkojë disa vite dhe më pas do fillojë të zbehet në kontinentin Afrikan. Në një shkrim të prestigjiozes “The Guardian” citohet se në vitin e ardhshëm COVID-19 parashikohet të marrë 190 mijë jetë njerëzisht në Afrikë.

OBSH paralajmëroi muajin e kaluar se brenda gjashtë muajve në këtë kontinent mund të ketë rreth 10 milionë infeksione, ndërsa ekspertët theksojnë se ndikimi i pandemisë në popullsi do të varet shumë nga menaxhimi i situatës që do të bëjnë qeveritë.

Një studim i OBSH, publikuar këtë javë parashikon që 29 deri 44 milionë njerëz mund të infektohen në vitin e parë të shpërthimit të pandemisë nëse masat e kufizuese të marra deri më tani dështojnë. Studimi përfshinte 47 vende në Rajonin Afrikan me një popullsi totale prej një miliard.

“COVID-19 mund të kthehet në një ‘ndeshje’ në jetën tonë për vitet që vijnë nëse nuk menaxhohet mirë situata nga shumë qeveri në rajon. Ne kemi nevojë për të gjurmuar, izoluar dhe trajtuar rastet e infeksionit”, tha Dr Matshidiso Moe, drejtor i rajonit të Afrikës, në Organizatën Botërore të Shëndetit.

“Ne vlerësojmë se kjo pandemi do të arrijë kulmin në kontinentin Afrikan nga katër deri në gjashtë javë që nga shpërthimi i saj”, u tha Moe gazetarëve të enjten.

Shumica e vendeve në Afrikë kanë marrë masa shtrënguese, çka duhet se kanë ngadalësuar përhapjen e virusit.

“Ne duhet ta pranojmë që qeveritë afrikane po bëjnë shumë,” tha Stephen Karingi, drejtor i Komisionit Ekonomik të KB, për Afrikën, duke vazhduar: “Parashikimet ishin që ne aktualisht do të ishim në një situatë lufte, por për shkak të masave të marra nga qeveritë dhe komunitetet, shkalla e transmetimit është më e ulët se sa është konstatuar diku tjetër”.

Lexo edhe :  Itali, babë e bir humbin jetën brenda pak orësh! Detaje nga familja e famshme

Sidoqoftë, është e paqartë se sa efektive kanë qenë masat në disa vende të kontinentit dhe ekziston shqetësimi për nivelin e testimit të kryer.

Afrika ka realizuar një numër të konsiderueshëm testimesh në disa rajone, por ende qëndrojnë dyshimet se statistikat zyrtare nuk pasqyrojnë përhapjen e vërtetë të pandemisë në këtë kontinent.

Më shumë se 51 mijë njerëz në Afrikë janë infektuar dhe 2.012 kanë vdekur. Numri i përgjithshëm i rasteve të infeksionit është rritur ndjeshëm gjatë javës së kaluar./Fjala.al/

Të fundit

Lokalet heqin çadrat dhe shtesat, lirohen trotuarët në kryeqytet

Pas disa ditësh aksion, sërish inspektorët kanë dalë në terren. Grupet e IMT janë zhvendosur në terren që janë...

1969 – Shpërthen “Lufta e Futbollit” mes El Salvadorit dhe Hondurasit

Më 14 korrik 1969, shpërtheu një konflikt i armatosur i pazakontë dhe i shkurtër mes El Salvadorit dhe Hondurasit, i njohur botërisht si "Lufta...

Prishja e godinave në Theth, Berisha: Krim shtetëror, të dëmshpërblehen banorët

Lideri demokrat Sali Berisha ka dënuar me ashpërsinë më të madhe, krimin shtetëror, siç e cilësoi ai, aksionin e Policisë dhe IKMT-së ndaj banorëve...

Jonas Kepi në Shërbim të Shqipërisë: Një Diplomaci që Fillon nga Rinia

Në një kohë kur roli i Shqipërisë në arenën ndërkombëtare është gjithnjë e më i rëndësishëm, një emër i ri po fiton gjithnjë e...

“Negociatat me BE mund të mbyllen në 2027”/ Marta Kos vlerëson reformat e Shqipërisë

Në takimin e përbashkët të parlamentarëve të angazhuar në marrëdhëniet e BE-së me NATO-n, komisionerja për Zgjerimin, Marta Kos, vlerësoi shpejtësinë në zbatimin e...

Lajme të tjera

Web TV