Uji në fshatin Nasalë të Kosovës konsiderohet nga shumë njerëz si shërues për sëmundje të ndryshme. Fshati gjendet në fillim të vargmaleve të Karadakut, buzë lumit Morava dhe është i pasur me ujëra minerale.
Kryetari i fshatit Ruzhdi Selimi, ka thënë se ky ujë që gjendet në këtë fshat, dikur kishte shërbyer për shërimin e sëmundjeve të ndryshme.
Ai ka treguar edhe se të shumtë janë njerëzit që vijnë edhe prej fshatrave tjera, për të marrë ujë për shërimin e sëmundjeve të ndryshme si: gurët në idhëz, sëmundjet reumatike etj.
“Fshati Nasalë është në ujërat minerale, me minerale janë edhe kodrat, këtu vijnë prej shumë fshatrave me marrë ujë për sëmundje të ndryshme reumatike, gurëve në idhëz, stomak etj”, ka thënë ai për Tv Dukagjini. Ndërkaq, ky ujë shërues ka lidhjen me banjën e Kllokotit.
