Kryeministri Edi Rama ka bërë me dije se Zef Mazi është përzgjedhur për të qenë kryenegociatori i Shqipërisë me Bashkimin Evropian. Me hapjen zyrtare të negociatave të anëtarësimit, Mazi do të përfaqësojë Tiranën në bisedimet me Brukselin.
“Zef Mazi, do të jetë kryenegociatori dhe me një grup të mirë përzgjedhur do të jenën regjia e betejës për negociatat një betejë që zhvillohet në fushën e dijes, vullnetit të mirë për të çuar me shpejtësi përpara procesin”, bëri me dije kryeministri.
Rama u shpreh i gatshëm për të punuar me Presidencën dhe Opozitën për këtë proces.
Kush është Zef Mazi?
Zef Mazi është ish diplomat shqiptar i karrieres i cili, që nga viti 2011, shërben si Asistent Special për Strategjine i Drejtorit të Pergjithshëm në Agjencinë Ndërkombëtare të Energjisë Atomike. Ai ka qenë Ambasador i Republikës së Shqipërisë në Mbreterinë e Bashkuar (2007-2011), dhe ka mbajtur poste të larta në shumë organizata të tjera ndërkombëtare si përfaqësues i Shqipërisë.
