Analisti Ilir Demalia thotë se vendimi i kryeministrit Edi Rama, për të vendosur deputetët me të paktën 1 mandat në listë të hapur, do i bëjë më mirë Partisë Socialiste.
Në një intervistë për “Newsline” në ABC News, Demalia u shpreh se PS mund të grumbullojë më shumë vota.
Sipas Demaliajt, Rama e ka të sigurtë fitoren e zgjedhjeve më 11 maj.
“Kjo do i bëjë më mirë PS për një grumbullim votash. Ajo që nuk kuptoj unë, edhe te opozita hatërmbetja e njerëzve që nuk futen në listë të sigurt. Kur janë të sigurt që kanë kontribute, pse nuk futen në betejë? Këta e dinë që nuk marrin vota. Kushdo ka kontribute, por një ditë duhet të largohesh, hap rrugën. PS e ka të sigurtë fitoren, kjo nuk diskutohet. E ka të sigurtë Rama, me të gjitha këto traumat. Ai e ndjen se çfarë ka përballë. E ka një projeksion të qartë, do të rigjenerojë partinë”, theksoi ai./ S,M
