Asambleja Kombëtare e Republikës Sërpska po mban një seancë të posaçme ku po diskutohet miratimi i një kushtetute të re, që do ta përkufizonte si shtet entitetin serb të Bosnjë dhe Hercegovinës.
Më pas do të diskutohet një draft kushtetutë, e cila pritet ta përcaktoj këtë entitet si shtet të popullit serb në Bosnje dhe ti japë të drejtën e vetëvendosjes, ta formojë ushtrinë dhe ta zhbëjë Këshillin e Popujve. Kjo është një lëvizje tjetër se-cesioniste nga autoritetet e Republikës Srbska, pasi javën e kaluar Asambleja miratoi ligje që ndalojnë punën e institucioneve shtetërore të drejtësisë së Bosnjës në territorin e këtij entiteti.
Seanca udhëhiqet nga Nenad Stevandiç, kryetar i Asamblesë Kombëtare të Republikës Sërbska ndaj të cilit Prokuroria e Bosnjës ka lëshuar një urdhër ndalimi, bashkë me presidentin Millorad Dodik, dhe kryeministrin e këtij entiteti, Radovan Vishkoviç.
Dodik ka refuzuar ti bindet urdhrit të ndalimit, duke thënë se nuk i përgjigjet thirrjes së prokurorisë për tu marrë në pyetje. Urdhri vjen dy javë pasi Milorad Dodik u dënua me një vit burg për kundërshtimin e vendimeve të të dërguari ndërkombëtar për paqen,. Prokurorët kanë kërkuar ndihmën e Agjencisë Shtetërore të Hetimit dhe Mbrojtjes së Bosnjës për arrestimin e tij./E.T
