Dueli mes Fiorentinës dhe Juventusit, rrezikon të mos zhvillohet. Këto janë raportimet e fundit që vijnë nga Italia.
Shirat e rrëmbyeshëm që po godasin qytetin e Firences dhe pjesën më të madhe të Toskanës në orët e fundit, rrezikojnë seriozisht zhvillimin e duelit të javës së 29-të të Serisë A, mes Fiorentinës dhe Juventusit, të planifikuar për t’u zhvilluar ditën e diel në orën 18:00.
Bëhet me dije se Alesandro Draghi, nënkryetar i Këshillit Bashkiak, i ka kërkuar kryebashkiakes Sara Funaro që të kërkojë shtyrjen e ndeshjes në një datë tjetër. Në orët në vijim pritet të merret një vendim në lidhje me zhvillinim apo jo të këtij dueli./ D.C
