Kryeministri i vendit Edi Rama, ka shprehur ngushëllimet për tragjedinë e madhe në Maqedoninë e Veriut.
Ai thotë se Shqipëria është gati të japë çfarëdo lloj ndihme të nevojshme për shtetin fqinj të Maqedonisë së Veriut.
“Me një ndjenjë hidhërimi të veçantë u përcjell vëllezërve e motrave të Maqedonisë së Veriut ngushëllimet e mia për tragjedinë e madhe të Koçanit. Jam pa fjalë dhe lutem që të lënduarit të shërohen dhe që familjarët e viktimave të gjejnë forcën të përballojnë humbjen e tyre të pangushëllueshme. I përcjell po ashtu kryeministrit Mickovski dhe autoriteteve të vendit fqinj ngushëllimet në emër të Shqipërisë e shqiptarëve, duke shprehur gatishmërinë për çfarëdoqoftë ndihma jonë mund të jetë e nevojshme”, shkruan Rama në “X”.
Autoritetet në Maqedoninë e Veriut konfirmuan se si pasojë e zjarrit në diskotekën, në qytetin e Koçanit, kanë humbur jetën 51 qytetarë dhe mbi 100 të tjerë kanë mbetur të lënduar./ S,M
