Kryeministri i Maqedonisë së Veriut, Hristijan Mickoski, ka shprehur pikëllim të thellë për tragjedinë që ndodhi në Koçan, duke theksuar se kjo është një ditë e dhimbshme për të gjithë vendin.
Ai e cilësoi humbjen si shumë të madhe dhe theksoi se dhimbja që po kalon secila familje është e pamundshme të përshkruhet me fjalë. Mickoski shprehu solidaritet me të gjithë ata që kanë humbur të dashurit e tyre dhe u angazhua që populli dhe qeveria do të bëjnë gjithçka për të ofruar mbështetje dhe për të lehtësuar vuajtjet e prekurve.
Në këtë moment të vështirë, ai u bëri thirrje institucioneve dhe autoriteteve shëndetësore që të ndërmarrin veprime të shpejta për t’u dhënë ndihmë të lënduarve dhe mbështetje atyre që kanë pësuar humbje./ S.M
