Kuvendi i Shqipërisë zhvilloi sot seancën e fundit përpara zgjedhjeve të 11 majit, ndërsa shumë prej ligjvënësve të kësaj legjislature (2021-2025) nuk do të jenë në Parlamentin e ri që do të dalë nga zgjedhjet e pas 2 muajve.
Kjo duket se ka mallëngjyer kryetaren e Kuvendit, Elisa Spiropali, e cila në fjalën e saj shprehur falenderime për deputetët.
“Falenderoj ish Kryetaren, znj. Lindita Nikolla, për drejtimin me përkushtim, kompetencë e integritet të Kuvendit gjatë tre viteve të legjislaturës.
Falenderoj zëvendëskryetarët e Kuvendit Ermonela Felaj, Bledi Çuçi, Enkelejd Alibeaj dhe Agron Gjekmarkaj, kryetarët e grupeve parlamentare dhe të komisioneve të përhershme, të posaçme e hetimore të Kuvendit, për përkushtimin dhe bashkëpunimin e tyre.
Falenderoj të gjithë ju, për kontributin në veprimtarinë e Kuvendit të Shqipërisë në shërbim të qytetarëve.
Atyre që do të rizgjidhen në legjislaturën e re, u uroj suksese në vazhdimin e karrierës parlamentare.
Për ju, të dashura kolege e kolegë që nuk keni dëshiruar të vijoni karrierën parlamentare si edhe për ju që nuk do të mund të rizgjidheni, ju uroj nga zemra mbarësi dhe vijim të shërbimit tuaj ndaj Shqipërisë, në detyra të tjera.
Ju keni shërbyer me përkushtim në Kuvendin e Shqipërisë dhe do i mungoni komisioneve dhe kësaj salle”, tha Spiropali./ S,M
