Presidenti amerikan Donald Trump iu ka hequr të drejtën e mbrojtjes nga Shërbimi Sekret fëmijëve të ish-presidentit Joe Biden – Hunter dhe Ashley.
Hunter Biden kishte mbrojtje të Shërbimit Sekret për një periudhë të gjatë kohore, të gjitha të paguara nga taksapaguesit amerikanë.
“Po ju njoftoj se, menjëherë pas datës së hyrjes në fuqi, Hunter Biden nuk do të ketë më mbrojtje të Shërbimit Sekret. Gjithashtu, Ashley Biden, e cila ka një ekip prej 13 agjentësh, do të hiqet nga lista”, njoftoi Trump në platformën sociale “Truth”.
Vendimi erdhi disa orë pasi Trump u pyet për sigurinë e Shërbimit Sekret për Hunter Biden. Ai ka deklaruar se nuk ka dijeni për këtë, por se do ta kontrollojë informacionin./e.t
