Një spirale e ndritshme u shfaq në qiellin e Britanisë së Madhe dhe të Irlandës para dy netësh, duke ngritur pikëpyetje të mëdha tek njerëzit në Tokë.
Të shumta ishin spekulimet, deri tek UFO-t, por ekspertët e Shërbimit Meteorologjik Britanik shpjegojnë se shkaku i këtij fenomeni të pazakontë ka shumë të ngjarë të jetë për shkak të tymrave të raketës SpaceX Falcon 9.
Fenomeni u vëzhgua nga Danimarka në Milano dhe spiralja ishte e dukshme për disa minuta para se të zhdukej, raportoi Sky Neës.
Sipas ekspertëve, gazrat e ngrirë të shkarkimit nga shtresat e sipërme të raketës krijojnë forma në atmosferë ndërsa reflektojnë rrezet e diellit, duke i bërë ato të dukshme nga Toka.
Ky efekt ndodh kur karburanti i hedhur nga faza e sipërme e një rakete ngrin menjëherë në lartësi të madhe, për shkak të temperaturave ekstreme të ajrit.
Raketa Falcon 9 u lëshua nga Florida të hënën rreth orës 17:50, si pjesë e një misioni të qeverisë amerikane./k.k
