Sali Berisha ka pranuar humbjen e pare ndaj rames. Një buf është shfaqur në tavolinen e tij. Por ndërsa zyrtarizoi simbolikën e bufit, të vetëve u thotë se e ka marrë për kompliment.
“Çfarë varfërie dhe shkretie kulturore ka njeriu që e citon, që e quan Sali Berishën çdo ditë, me emrin e simbolit më të arrirë të dijes, mençurisë dhe vendimit të Greqisë së Lashtë, të Romës së Lashtë. Edi Rama mendon se mund të më quajë mua buf e me ofendon, injornaca nuk është argument”
Nga doktor u kthye në moderator, dhe u ngrit nga karrigia e kryetarit të cilën e mban fort qe prej dhjetori t 2021. Zoti Berisha beson shumë te fati i numrit një në fletën e votimit.
“Kur fati që është sa hyjnor dhe tokësor, i ra PD-së të ketë këtë numër, entuziazmi i demokratëve dhe mbështetësve të PD-së, por në tërësi i shqiptarëve ishte dhe është jashtëzakonisht i madh.
Por ndërsa është entuziast për numrin e tij një, Berishën e bezdis shumë numri një i premtimeve të Edi Ramës. Ndaj sipas tij Rama nuk i çon dot në BE vetëm me pasaporta europiane.
“Me PD, Shqipëria shkon në BE si zonjë. Ai thotë pasaporta europiane, s’të pranon njeri kështu. Me atë largohemi nga BE, me ne afrohemi në BE.”
Por vetë kreu i opozitës, më shumë se afër Europës, e sheh veten larg fitores, kur thotë se që tani, po bën gati dosjen e ankesave në 12 maj.
“Ne po përgatisim dosje. Do u çohen ndërkombëtarëve. Se Rama ka kriminelët, ka Altin Dumanin krah politik. Ne do ua çojmë ndërkombëtarëve. Parlamentit Europian dhe Kongresit Amerikan. Do informohen për të gjitha.”/k.k
